माझ्यासाठी पांडुरंगा

माझ्यासाठी पांडुरंगा, तुझ गीता भागवत,
कीबोर्डमध्ये सामावत, मॉनिटरवर उगवत
- बहिणाबाईंकडून स्फूर्ती घेऊन

वेली वरची एक कळी

वेली वरची एक कळी
थोडी शहाणी थोडी खुळी
डोक्यावर घालून हिरवी टोपी
संध्याकाळी गेली झोपी
स्वप्नाता तिच्या देव आला
हळूच पापा घेऊन गेला
दुस-या दिवशी उठली कळी
खदतखदत हसत सुटली
इतके इतके हसू आले
कळीचे एकदम फूलच झाले.

मिरची, कोथिंबीर, लसूण, आलं

मिरची, कोथिंबीर, लसूण, आलं
या चौघांच भांडण झालं
कशावरून कशावरून
एवढ्याश्या खोब-याच्या तुकड्यावरून
आजी आली पदर खेचून
एकेकाला काढला चांगलच ठेचून
पाट्यावर केली वाटणी
त्याची झाली चटणी
चटणी ठेवली बशीत
जेवण झाला खुशीत
बाबा हसले मिशीत

अबडक खबडक घोडोबा

अबडक खबडक घोडोबा
घोड्यावर बसले लाडोबा
लाडोबचे लाड करतय कोण ?
आजी, आजोबा, मावश्या दोन

दख्खनच्या ग राणी, मला मुंबईला जायचय

दख्खनच्या ग राणी, मला मुंबईला जायचय
झुकू झुकू झुकू, मला मुंबईला जायचय

घाटातून जाता जाता ठेका धरायचाय
कशासाठी पोटासाठी गाण म्हणायचय

लोणावळ्याच्या चिक्कीचा गा खाऊ खायचाय
बटाट्याचा वडा थोडा चाखून बघायचाय

समुद्राच्या लाटांमध्ये मला नाचयचय
आंबट तिखट भेळ खाऊन वाळूत लोळायचय

ओल्या ओल्या वाळूमध्ये घरट बांधायचय
दोन मजली बस मधून मला हिंडायचय

राणीबागेत वाघ सिंह हत्ती बघायचय
घरी येऊन आईला हे सारं सांगायचय